Joan den irailaren 27an, larunbatean, berriz antolatu genuen Aranburu gaztandegia eta Aizpeako meategiak ezagutzeko familia-irteera, eta, beste behin, eguraldi onaz eta tradizioz, naturaz eta gastronomiaz beteriko egun apartaz gozatu genuen.
Bisita Aranburu gaztandegian hasi genuen, non Idiazabal gazta egiteko prozesua ezagutu genuen, ardi latxei jaten eman genien eta haien zaintzari buruz ikasi genuen, eta haurrek, gainera, etxera eramateko gatzatua prestatu zuten. Bukaerako dastaketak amaiera goxo-goxoa eman zion goizari.
Arratsaldean, Aizpeako meategietan, eskualdeko meatzaritzaren historia ezagutu genuen, bai eta burdina erauzteko lana zein gogorra zen ere, familia osoarentzako azalpen oso interesgarrien bidez.
Eskerrik asko txangoan gurekin izan zineten familia guztioi, oraingoan ere elkarrekin egoteko eta gozatzeko plan biribila izan baitzen.
