Gizarte Bonu Elektrikoa
Ohiko etxebizitzan Kontsumitzaile Txikientzako Borondatezko Prezioaren tarifa (PCP) 10 kW baino gutxiagoko potentzia kontratatua duen edozein pertsona fisikok eskuratu ahal izango du Bonu Soziala.
Gizarte Bonu Elektrikoa aplikatzeko, 3 kontsumitzaile-mota bereizten dira:
a) Zaurgarria (kide ugariko familiak, besteren artean)
b) Zaurgarri Larria (errenta-maila txikiko kide ugariko familiak, besteak beste)
c) Gizarte-bazterkeria jasateko arriskuan dagoen Zaurgarri Larria
Bonu Termikoa
Bonu honen onuradunak dira, inolako izapiderik edo eskaerarik egin behar izan gabe, aurreko urteko abenduaren 31n Bonu Elektrikoaren onuradun izandakoak, bai eta egun hori baino lehen eskabide osoa aurkeztu eta, azkenean, aldeko ebazpena jaso zutenak ere.
Gizarte Bonu Elektrikoa
- Zaurgarria (fakturan jaso beharreko deskontua % 60tik % 65era hedatu da): Kide ugariko familiaren titulua izatea. Enpresa merkaturatzaileek lau hilabeteko epea izango dute, eta ez bi hilabetekoa, kontsumitzaile zaurgarriei argiaren hornidura eteteko, faktura ordaindu ez dutelako.
- Zaurgarri Larriak (fakturan jaso beharreko deskontua % 70etik % 80ra hedatu da). Errenta-maila IPREM (15.039,18 euro) bi aldiz baino txikiagoa duten kide ugariko familiak.
Enpresa merkaturatzaileek lau hilabeteko epea izango dute, eta ez bi hilabetekoa, kontsumitzaile zaurgarriei argiaren hornidura eteteko, faktura ordaindu ez dutelako.
- Gizarte-bazterkeria jasateko arriskuan dauden Zaurgarri Larriak: Kontsumitzaile zaurgarriarentzat finkatutako errenten % 50era iristen ez diren eta gizartezerbitzuek artatzen dituzten bezeroak dira; haien fakturaren zenbatekoaren % 50, gutxienez, gizarte-zerbitzuek ordaintzen dute. Kontsumitzaile hauek ez dute argia ordainduko: % 50 gizartezerbitzuek ordainduko dute, % 10 merkaturatzaileak eta % 70 Bonu Sozialari berari dagokion deskontua da.
Enpresa merkaturatzaileek ezin izango diete hornidura eten gizarte-bazterkeria jasateko arriskuan dauden pertsonei.
Bonu Termikoa
35 eta 350 €-tik 40 eta 375 €-ra handitu da 2022rako laguntza (2023an kobratuko da), onuraduna bizi den klima-eremuaren eta familiaren zaurgarritasun-mailaren arabera. (Ezinbestekoa da aurreko urteko abenduaren 31n Argiaren Bonu Sozialaren onuradun-izaera eduki izana).
Gizarte Bonu Elektrikoa
Bonu Soziala aldez aurretik izapidetu duten bezeroen kasuan, indarrean dagoen araudiaren arabera, aurreko urteko abenduaren 31 baino lehen ez badute Bonu Soziala baldintza berrietan aplikatzeko eskatu eta egun onuradunak badira, data horretatik aurrera sortzen den lehen fakturatik aurrera, edo hurrengotik aurrera, Bonu Soziala aplikatzeari utzi, eta argindar-hornidura KTBPren arabera fakturatuko da.
Bonu Soziala modu hauetakoren batean eska daiteke:
- Dagokion eskabidea beteta eta banatzailearen bulegoetan aurkeztuta; jasotzen duenean, erreferentziako merkaturatzaileari bidaliko dio (bulego-sarerik ez badute salbu).
- Dagokion eskabidea beteta eta eskaneatuta erreferentziako merkaturatzaileak bere webgunean eta fakturan ageri duen fax-zenbakira edo helbide elektronikora bidalita.
- Dagokion eskabidea beteta eta erreferentziako merkaturatzailearen bidez aurkeztuta (aukera hori ematen badute).
- Dagokion eskabidea beteta erreferentziako merkaturatzaileak bere webgunean ageri duen posta-helbidera bidalita.
* Kide ugariko familien kasuan, Bonu Soziala titulua iraungi arte egongo da indarrean.
Indarraldia amaitzear dagoenean, epemuga hori baino 15 egun baliodun lehenago, gutxienez, kontsumitzaileak berritzeko eskatu ahal izango du, eskaera egiteko aurreikusitako bideetako bat erabiliz. Nolanahi ere, kasu hauetan, erreferentziako merkaturatzaile elektrikoak gutuna bidaliko du Bonu Soziala iraungi aurretik.
Bonu Termikoa
Bonu honen onuradunak dira, inolako izapiderik edo eskaerarik egin behar izan gabe, aurreko urteko abenduaren 31n Argiaren Bonu Sozialaren onuradun izandakoak, bai eta egun hori baino lehen eskabide osoa aurkeztu eta, azkenean, aldeko ebazpena jaso zutenak ere.
Onuradun bakoitzari dagokion laguntza urtean behin ordainduko da, osorik, haren kontu korrontean, faktura elektrikoa helbideratuta duen horretan, hain zuzen ere.
Gizarte Bonu Elektrikoa
Hobaria eskuratzeko, kide ugariko familiak agiri hauek bete eta aurkeztu behar ditu:
- Eskabidea.
- Hornidura-puntuaren titularraren IFZren edo AIZren fotokopia, edo, hala badagokio, familiaunitateko kide guztienenak (familia-unitateko 14 urtetik beherako kideen IFZ edo IAZ ere aurkeztu behar da, baldin badute).
- Familia-unitateko kide guztien erroldatze-ziurtagiria, banakakoa edo baterakoa.
- Familia-liburuaren fotokopia edo, hala badagokio, familia-unitateko kide bakoitzaren Erregistro Zibileko banakako orriaren ziurtagiria.
- Kide ugariko familia: kide ugariko familiaren tituluaren fotokopia.
Bonu Termikoa 2020
Erreklamazioa kudeaketagatik baldin bada, hau da, kontua aldatu delako edo titularra aldatu delako, heriotzagatik, ZUZENEAN zerbitzura jo behar da (ORDUA AURREZ ESKATUTA, online edo 945 01 90 00 telefonora deituta):
Ordutegia 8:00etatik 19:30era da (abuztuan izan ezik, 8:00etatik 14:30era).
- Gasteiz: Ramiro de Maeztu, 10
- Bilbo: Kale Nagusia, 85
- Donostia: Andia, 13
