Bilboko Udalak kide ugariko familiek Ondasun Higiezinen gaineko Zergan (OHZ) dituzten hobarietan hobekuntza bat egitea onartu du, indarrean 2026an sartuko dena. Hobariak bi tartetara murriztuko dira, etxebizitzaren katastro-balioaren arabera.
Hobari horiek aplikatzeko, Foru Arauan ezarritakoaren arabera, etxebizitzaren Gutxieneko Balio Egozgarria (GBE) ezin da 300.000 €-tik gorakoa izan; ondorioz, Bilboko kide ugariko familien ia bi herenek ezin dituzte eskuratu, atalase hori gainditzen dutelako.
Zaborren tasari alegazioa
Bilboko Udalak ezetsi egin du Hiri Hondakinak Bildu, Garraiatu eta Tratatzeko Zerbitzuaren Ordenantza Fiskal berriari, indarrean 2026an sartuko denari Hirukidek aurkeztutako alegazioa.
Gure alegazioan adierazi genuen tasa berriak kide ugariko familiak zigortzen dituela, kostua etxebizitzan erroldatutako pertsona-kopuruaren arabera handitzen duen osagai espezifiko bat dakarrelako, familia horiek egiten duten ahalegin ekonomiko handiagoa eta birziklapenarekiko duten konpromisoa aintzat hartu gabe.
Hirukidek osagai horren gaineko % 30eko hobari gehigarria eskatu zuen kide ugariko familientzat, organikoaren edukiontzia erabiltzeagatik zegoenarekin bateragarria zena eta aitortutako beste udal-hobari batzuekin bat zetorrena (OHZn edo Ibilgailuen gaineko Zergan, adibidez).
Alegazioa ezetsi badute ere, Hirukiden lanean jarraituko dugu ordenantza hau edo beste prezio publiko batzuk aplikatzerakoan kide ugariko familien errealitatea kontuan har dadin.
