Joan den azaroaren 1ean, Gasteizen, Kide Ugariko Familien XI. Euskal Kongresua egin genuen, non beste behin guztiok osatzen dugun hori gisa elkartu ginen: familia handia. “Familia: zorionaren formula” lelopean, 400 lagunek baino gehiagok -guraso, gazte eta haurrak- ikaskuntzaz eta esperientziaz betetako egunaz gozatu genuen.
Kongresua Europa Biltzar Jauregian hasi zen, Eusko Jaurlaritzako, Arabako Foru Aldundiko eta Gasteizko Udaleko ordezkari instituzionalak bertan zeudela, Alberto Cobo Arabako Hirukideko presidentearekin eta Iñigo Abreu gure presidentearekin batera, beste ordezkari politiko batzuez, Arartekoaz eta abarrez gain.
Goizean, Luis Gutiérrez Rojas psikiatrak gogorarazi zigun umorea eta jarrera positiboa zein garrantzitsuak diren familiaren bizitzan, barre-algara bat baino gehiago eraginez, eta Alba Cardalda psikologoa emozioetatik modu gogoetatsuagoan komunikatzeko moduaz mintzatu zitzaigun.
Une hurbil eta aberasgarrienetakoa “Etxean zoriontsua izatearen artea” mahai-ingurua egin zenekoa izan zen. Sandra Martínek, Jorge Ortiz de Urtaranek, Gabriela Michelek eta Víctor Petuyak, laurak ere kide ugariko familiako gurasoak, beren eguneroko bizipenak, erronkak eta ikaskuntzak kontatu zizkiguten, eta familiotako asko haiekin identifikatuta sentitu ahal izan ginen hainbat unetan.
Bitartean, gazteek Hirugazte programan parte hartu zuten: hitzaldi egokituak, dinamikak, zozketak eta txangoa bai Atariara bai izotz-pistara. Haurrek, berriz, haientzat propio antolaturiko programaz gozatu zuten, adin bakoitzerako pentsatutako tailer, jolas eta ikuskizunez, hain zuzen ere.
Eguneko unerik hunkigarrienetakoa 2025eko Hirukide Sariak banatzeko ekitaldia izan zen. Haien bidez, Josu Etxebarrieta bost-seme alabaren aita alargunaren adibidea aitortu genuen, bere sendotasun, ahalegin eta arduragatik, baita Zarauzko Udalaren lana ere, familiei ematen dien laguntzagatik.
Arratsaldean, familiek elkarbizitzako hiru jardueraren artean aukeratu ahal izan zuten: bisita Gasteizko Santa Maria katedralera eta Erdi Aroko hirigunera, txangoa Gesaltza Añanara edo ibilbidea Eguren Ugarte Upeltegietan eta Erregeen Andre Maria elizan Guardian.
Hirukidek eskerrak eman nahi dizkizue gurekin egon zineten familia guztioi, besteak beste hango giro bero eta partizipatiboa sortzen lagundu zenigutelako, baita ekitaldiaren erakunde babesle eta laguntzaileei ere.
Argazkiak ikusi eta deskargatu
Hirugazte jardunaldia
Zaintza zerbitzua
Babesletzak:
Lankidetzak:
