Otsailaren 3tik 11ra, Emakumeak Zientzian ekimenaren hamargarren edizioa egingo da Euskadin, ohi bezala emakumeek zientzian duten papera ospatzeko, batetik, eta familia osoak lurralde osoan zehar zientzia-jarduerak ezagutzeko eta parte hartuz ikasteko, bestetik.
30 erakundek baino gehiagok hartzen dute parte, eta 70 jarduera baino gehiago antolatu dira hainbat publikorentzat: ikasleak, nerabeak, familiak eta publiko orokorra.
Adin guztietarako jarduerak nabarmentzen dira, hala nola atzoko eta gaurko emakume zientzialariei buruzko hitzaldiak, tailerrak eta bisitak ikerketa-zentroetara, nerabeentzako esperientzia praktikoak, ibilaldi zientifikoak eta zientzia modu dibertigarrian hurbiltzeko proposamen ludikoak.
Programazioa aldi berean abiatuko da Donostian, Bilbon eta Gasteizen, “Atzoko eta gaurko emakume zientzialariak” ekitaldia eginez, eta ondoren Euskadiko herri askotan jarraituko du askotariko jarduerekin.
Aukera aparta zientziara familian hurbiltzeko eta zientzialariek gaur egun zer ikertzen duten jakiteko.
Programa osoa: esteka