Kide ugariko familien XI. Kongresua
1º. DESKRIBAPENA
Kide Ugariko Familien Kongresua Hirukide EAEko Kide Ugariko Familien Federazioak antolatzen du, bi urtean behin, EAE osoko familiak elkartzeko eta, horrela, seme-alabak izateagatiko kezkak eta beharrak partekatu ahal izateko.
Aurten, “FAMILIA: zorionaren formula” izenburupean, azaroaren 1ean izango da.
2º. PREZIOAK
Kongresu horretan eskaintzen diren zerbitzuen prezioak:
BAZKIDEA:
- Hitzaldiak: 10 € familiako edo 5 € pertsona bakoitzeko
- Hitzaldiak (helduak/Hirugazte) + zaintza-zerbitzua + bazkaria: 40 € familiako
- Autobusa (Bizkaia/Gipuzkoa): 25 € familiako (geldialdi batzuk izan ezik: kontsultatu prezioa)
- Familia-jarduera eta Hirugazte: 10 € familiako
- Hirugazte soltea (hitzaldiak + bazkaria + jarduera): 10 € familiako
- Aparteko boletoa: 5 € familiako
BAZKIDE EZ DENA:
- Hitzaldietara joatea: 10 € pertsonako
- Txartel estra: 10 € pertsonako
- Gainerako zerbitzuak: prezioa kontsultatu
Kobrantza banku-igorpenaren bidez egingo da Hirukideren datu-basean ageri den kontu korrontean. Plaza erreserbatzeko, kongresuaren kostu osoaren 5 € kobratuko dira aldez aurretik.
3º. BALIOGABETZEAK
Baliogabetzeak lehenbailehen jakinarazi behar dira, hirukide@hirukide.com helbide elektronikora idatziz edo 945 25 36 02/688 728 931 telefono-zenbakietara deituz, eta baldintza hauen arabera egingo da:
- Kongresua baino bost egun lehenago eginez gero, izen-ematearen % 25 itzuliko da, kudeaketa-gastuen 5 € -ak izan ezik.
- Kongresuaren egun berean eginez gero, ez da dirurik itzuliko, behar bezala justifikatutako ezinbesteko arrazoiren batengatik izan ezean (istripua, gaixotasuna…); halakoetan, % 100 itzuliko da, kudeaketa-gastuen 5 € -ak izan ezik.
4º. ASEGURUAK
Kongresuko parte-hartzaile guztiak Federazioak kontratatutako Erantzukizun Zibileko Aseguruak babestuta egongo dira; era berean, 0 eta 12 urte bitarteko haurrak zaintzeko zerbitzuak eta Hirugaztek (13 – 25 urte) istripu-asegurua dute bertaratutako pertsona guztientzat.
5º. ZAINTZA-ZERBITZUA ETA HIRUGAZTE
Haur edo gazte batek bizikidetza- eta jokabide-arau oinarrizkoenak urratzen baditu, edo edozein umeren, begiraleren edo beste pertsona batzuen segurtasuna arriskuan jartzen badu, elkarteak lehenbailehen emango die gurasoei, legezko tutoreei edo hartzaileei haren jokabidearen berri, denen artean pertsona horrek aipatu zerbitzuan izan beharreko parte-hartzeari buruzko erabakia har dezaten. Adostasunik izan ezean, elkarteak haurra edo gaztea zerbitzutik kanporatzeko eskubidea izango du.
6º. KOMUNIKAZIOAK
HIRUKIDEk gurasoen berariazko baimena du kongresuari buruzko edozein informazio posta elektronikoz bidaltzeko eta bi gurasoen telefono-zenbakiak WhatsAppeko talde batean sartzeko. Talde horretan, izena emandakoak sartuko dira, xehetasun guztien berri jaso dezaten.
7º. ARGAZKIAK EDO IKUS-ENTZUNEZKOAK
Elkarteak gurasoen berariazko baimena du haur eta gazteen argazkiak eta irudiak hartzeko, ondoren berak eta/edo erakunde laguntzaileek zabal ditzaten.
Gurasoren batek ez badu bere seme-alabak aipatu hedabideetan agertzerik nahi, idatziz jakinarazi beharko du kongresua hasi baino 48 ordu lehenago, gutxienez, hirukide@hirukide.com helbidera idatziz.
| Arduraduna eta harremanetarako datuak | HIRUKIDE, EAEko Kide Ugariko Familien Elkarteen Federazioa. Sofia Erreginaren hiribidea, 112. 01015 Gasteiz. 945 25 36 02 / 688 72 89 31 |
|---|---|
| Bildutako datuak, interes legitimoa eta datuok gordetzeko epea | Parte-hartzaileena: (i) Identifikazio-datuak; Kide Ugariko Familien XI. Kongresurako izen-ematea kudeatzeko. Datuok bi urtez gordeko dira Hirukideren fitxategian. |
| Helburua | Kide Ugariko Familien XI. Kongresurako izen-ematea kudeatzea. |
| Eskubideak | Norberaren datuak eskuratzeko, zuzentzeko, ezabatzeko, erabiltzeko baimena baliogabetzeko, erabilera aurkaratzeko, erabilera mugatzeko eta/edo beste norabait eramateko eskubideak: hirukide@hirukide.com helbidera idatzita. |