Zer egin behar da?
Bazkide diren familien eskura 40 euroko balioa duen HIRUBONO 25 euro zuek ordainduko dituzue, eta gainerako 15 euro Hirukidek jarriko ditu.
Zenbat Hirubono eros ditzakegu?
Gehienez, kategoria orokorreko familiei BONU BAT emango zaie eta kategoria berezikoei BI.
Nola trukatuko da Hirubonoa?
Erosketa bakarrean erabili ahal izango da eta kategoria bereziko familiek bi HIRUBONUAK pilatu ahal izango dituzte. EZ DA BEHARREZKOA HIRUBONOA INPRIMATZEA, DENDAN ERAKUTSI BESTERIK EZ DUZUE EGIN BEHAR.
Hirubonoa, deskontua al da?
Aipatu bonua ez da deskontu bat, dirua balitz bezala da, erakundeak/merkataritzak bazkideei eskaintzen dien ohiko deskontuaren edo une horretan dauden beherapenen edo sustapenen mesedetan.
Non ikus ditzakegu HIRUBONUAK kanpainari atxikitako Hirudendak?
Esteka honetan klikatuta (esteka), kanpaina honi atxikitako Hirudenda zerrenda topatuko duzue. Zuen herriko edo inguruko erakunde/saltokiak ikusi nahi badituzue, “udalerria” aukera sakatu behar duzue eta, gero, nahi duzuena aukeratu. Hirubonoa erosi aurretik, gomendatzen dizuegu erakundeen zerrendan egiazta dezazuela kanpainari lotutako erakunderen baten trukatu nahi izango duzuela Hirubonoa; izan ere, Hirubonoa erosi ondoren, ez da horren zenbatekoa itzuliko.
Noiz truka ditzaket Hirubonoak?
Hirubonoen kanpaina 2025eko uztailaren 1tik 2025ko irailaren 30ra egingo dugu. Garrantzitsua: data horietatik kanpo ez dute Hirubonoen trukerik onartuko eta ez da dirua itzuliko.
Nola lor ditzakegu HIRUBONOAK?
Hemen klik eginez eskatu dezakezue Hirubonoa, gurasoen helbide elektronikoa sartuta. Dena ondo badago (kuota eguneratuta badago, helbide elektronikoak zuzenak badira, etab.), automatikoki jasoko duzue posta elektronikoan eskatutako Hirubonoa.
Kategoria bereziko familiek bi aukera dituzue:
1.- Bi Hirubono erosi erosketa berean
2.- Hirubono bat erosi, trukatu eta, ondoren, nahi izatekotan, bigarrena eskuratu (ezingo duzue bigarrena eskuratu lehenengo Hirubonoa trukatu arte).
Nola truka dezakegu HIRUBONUA?
Egiaztatu behar duzue Hirubonoa trukatuko duzuen erakundea/merkataritza Hirubono Kanpainari atxikita dagoela. Klikatu hemen zerrenda ikusteko (esteka)
Ezinbestekoa da Hirukideko txartel digitalarekin NANarekin identifikatzea eta Hirubonoa erakustea zuen identifikatzaile-zenbakia egiazta dezazuen. Zenbaki hori bakarra eta besterenezina da, erabili ondoren baliogabetu egingo baita.
Hirubonoak, 40 euroko balioa duenez, ez da utziko zenbateko hori baino txikiagoak duten erosketak egitea, eta, beraz, ez da dirua itzuliko.
Behin baino gehiagotan erabil dezakegu Hirubonoa?
Ez, Hirubonoak erabilera bakarra du, erabili ondoren bertan behera geratuko da. Hirubono bakoitzak identifikatzaile zenbaki bat du, behin baino gehiagotan erabiltzeko aukerarik emango ez duena.
Nola egin dezakegu erosketa online saltokietan?
Kanpainari atxikitako erakundeak/saltokiak agertzen diren zerrendan, “Informazio gehiago” atalean horrelako denda bat aurkitzen bada, Hirubonoa trukatzeko egin beharreko prozedura agertuko da. Baina beti bazkide gisa identifikatu beharko zarete, eta zuen Hirubonoak duen identifikatzaile-zenbakia eman beharko duzue.
Senideren batek trukatu dezake Hirubonoa?
Bai, baldin eta gurasoetako bat edo seme-alabaren bat bada; izan ere, NANa eta txartel digitala erakustean, abizenetako bat Hirubonoan agertzen den familiaren abizenekin bat etorriko da.
