Bilbao Bizkaia Ur Partzuergoaren barruan dauden kide ugariko familiok kontsumoaren gaineko hobaria jaso dezakezue, zuen kontsumoa 25 m2-tik gorakoa bada. Eta 2024. urteaz geroztik bonu sozial elektrikoa baliatzen ari zareten familiok hobari hauen artean aukeratu ahal izango duzue: uraren kontsumoaren gaineko hobari hori ala saneamendu-tasaren gaineko hobari berria, kontsumoengatik % 80 aplikatuko dizuena.
Bien onuradun izanez gero, bi hobarietatik zeinek konpentsatzen zaituen gehien baloratu beharko duzue. Baina, komunitateko gastuen bidez hornidura ordaintzen duzuen familiek ezin duzue hobaririk jaso. Hori partzuergoari jakinarazi diogu, etorkizunean kontuan har dezaten.
EGUNGO HOBARIA
Bilbao Bizkaia Ur Partzuergoaren barruko udalerriren batean bizi zareten eta bonu sozial elektrikoa duzuen kide ugariko familiok bi hobariren artean aukeratu ahal izango duzue uraren fakturan: kontsumoaren gaineko ohikoa, 25 m3-tik gorakoa denean, edo saneamendu-tasaren gaineko berria.
Orain arte bezala, kide ugariko familien ohiko etxebizitzako 25 m3-tik gorako etxeko kontsumoak laurogeita hamar egunean behin lehen kontsumo-tarterako ezarritako prezioan fakturatzen dira. Hona hemen 2024rako prezioak:
– 25 m3-ra arteko kontsumoetarako kuota aldakorra: 0,7552 euro/m3.
– 25 eta 75 m3 arteko kontsumoetarako kuota aldakorra: 0,9274 euro/m3.
– 75 m3-tik gorako kontsumoetarako kuota aldakorra: 1,6651 euro/m3.
NOBEDADEA
2024. urtean, bonu sozial elektrikoa duten kide ugariko familiek % 80ko hobaria eskatu ahal izango dute beren kontsumoengatik ordaindu beharreko saneamendu-tasan. A motako erabiltzaileentzako (etxeko erabileretatik eratorritako isurketak dituztenak) saneamendu-tasa kontagailuaren arabera zehazten da, eta udalerriak saneamendu-sarearen kudeaketa hitzartu duen ala ez kontuan hartuta. Kontsultatu tasak hemen. Hauexek dira onuraduna izateko baldintzak:
-
- Ohiko etxebizitzan egindako kontsumoak kontagailu bereizi bidez identifikatuta izatea.
-
- Eskabidea egiten den unean, erroldatzeari buruzko bolantearen bidez, etxebizitzan bizi diren kideen kopurua egiaztatzea eta egin den kontsumoa jarraian adieraziko diren pertsona eta hiruhileroko metro kubikoen bestekoa edo hortik beherakoa izatea. Horretarako, beharrezkoa litzateke kontagailuaren irakurketa ematea, tasen likidazioa egiterakoan Partzuergoak irakurketa indizea lortu izan ez balu bere kabuz
-
- Pertsona erroldatu bakarra duten etxebizitzak, kontsumoa 16 m3 -tik beherakoa izatea 90 egunero.
-
- Bi pertsona erroldatu dituzten etxebizitzak, kontsumoa 30 m3-tik beherakoa izatea 90 egunero.
-
- Hiru pertsona edo gehiago erroldatu dituzten etxebizitzak, bigarren persona horretatik gora kontsumoa 30 m3-tik beherakoa izatea gehi 12 m3 gehigarri pertsona bakoitzeko 90 egunero.
-
- Hornidura-kontratuaren titularra izatea, edo, bestela, kontratuaren titulartasuna higiezinaren jabearen izenean badago, higiezin horretan bizi dela egiaztatzen duen titulua aurkeztea. Hobariaren ondorioetarako, berrakurak eta logelen alokairuak ez dira baliozkotzat joko.
-
- Diru sarrerak bermatzeko errenta, Bizitzeko Gutxieneko Diru Sarrera edo gizarte-bonuelektrikoa jaso egiten duen jaso egiten duen pertsonak osotutako bizikidetza unitateaz kanpo, etxebizitza berean bizi diren winontzeko pertsonen diru sarrerik ez edukitzea.
GARRANTZITSUA
Bonu sozial elektrikoa duzuen familiok hobari bat ala bestea aukeratu ahal izango duzue (ez biak).
Familia bakoitzak zein zaion onuragarriena aztertu beharko du. Oro har, esan daiteke kide gehiagoko familientzat (5 seme-alaba edo gehiago, gutxi gorabehera) lehen kontsumo-tarteko fakturazioa dela onena, haien ur-kontsumoaren arabera, eta kide gutxiagoko familientzat, berriz, bestea.
OHIKO GALDERAK
1. Nire udalerria Bilbao Bizkaia Ur Partzuergoaren barruan dago?
Bizkaiko udalerri gehienak badaude, baina ez denak. Ikus hemen.
2. Nola eskatu hobaria?
- Lehenengo epigrafearen araberako fakturazio-eskaera, kontsumoa 25 m3-tik gorakoa bada: Bilbao Bizkaia Ur Partzuergoan eskatu behar da, posta elektronikoz edo aurrez aurre (egoitzak). Eskatu ondoren, kide ugariko familia titulua iraungi arte aplikatuko da.
- % 80ko deskontu-eskaera saneamenduan: eskaera URTE NATURAL BAKOITZEKO urtarrila eta otsaila bitartean egin beharko da, ondorio ekonomikoak urte horretako apirilaren 1etik hurrengo ekitaldiko martxoaren 31ra bitartean egiten diren hiruhileko lau likidazioetan izan ditzan.
3. Non eta Aurkeztu beharreko agiriak:
Lehenengo epigrafeko fakturazioa, 25 m3-tik gorakoa bada prezio horretan:
- Deitu 944 87 31 87 telefonora eta bezeroaren zenbakia adierazi (fakturaren eskuinaldean agertzen da). Familia ugariaren hobari-eskaeraren datuak jaso ondoren, posta elektroniko bat bidaliko dizuete dokumentazioa bidaltzeko. Emaila: documentos@consorciodeaguas.eus con asuntoa: Bezero-zenbakia.
- Aurkeztu beharreko agiriak:
Familia ugariaren titulua
Hobaria «Bono sozial elektrikoa» dela-eta ( % 80 saneamendu-tasan):
- Deitu 944 87 31 87 telefonora eta bezeroaren zenbakia adierazi (fakturaren eskuinaldean agertzen da). Bonu elektrikoa jasotzeagatik hobaria eskatzeko datuak jaso ondoren, mezu elektroniko bat bidaliko dizuete honako dokumentazio hau bidaltzeko. Abonatuak@consorciodeaguas.eus helbide elektronikoa, gaiarekin: bezero-zenbakia.
- Aurkeztu beharreko agiriak:
- Eskatzaileak sinatutako inprimakia. HEMEN DESKARGATU
- Etxebizitzan bizi diren kideen kopurua egiaztatzeko familia-errolda.
- Tiularraren NANa
- Bonu sozial elektrikoa jasotzen ari dela egiaztatzeko agiria (argiaren azken faktura).
Informazio gehiago: hemen
