Azaroaren 18an, astelehenean, Estatuko Aldizkari Ofizialak (BOE) zerrenda bat argitaratu zuen, non berogailurako laguntzaren (bonu termikoa) familia onuradunen NAN zenbakiak ageri ziren; ez guztiena, baizik eta bonua onartu zaiela aditzera emateko jakinarazpena jaso ez zutenena (ikusi). Aipatu bonu termikoaren onuradun zaretelakoan bazaudete, baina ez baduzue jakinarazpen ofizialik jaso, egiaztatu zuen NANa (enpresa elektrikoarekin duzuen kontratuaren titularraren NANa) zerrendan dagoen. Hala bada, jakinarazpena zuen etxebizitza dagoen herrialdeko Gobernuaren Ordezkariordetzan jaso behar duzue.
• ARABA: Olagibel 1. Ordutegia. 9:00etatik a 17:30etara
• GIPUZKOA: Pio XII.aren 6. Ordutegia: 9:00etatik a 14:00etara
• BIZKAIA: Elkano, 10. Ordutegia: 9:00etatik a 14:00etara. Industria Saila- 1º Solairua.
Egoera horretan zaudeten familiok 10 egun balioduneko epea duzue, (hau da abenduaren 3an arte). Garrantzitsua da datuak (laguntzaren zenbatekoa jasotzeko kontu-zenbakia) zuzenak direla ziurtatzea.
Gobernuaren aurreikuspena da bonu termikoaren onuradun guztiek urtea bukatu aurretik jasotzea laguntzaren zenbatekoa, baina goian aipatu onuradunekin gerta liteke atzerapen edo arazoren bat.
Jakinarazpenik jaso ez duten eta zerrendan NANa ageri ez dutenen kasuan, Politika Energetikoko eta Meatzeetako Zuzendaritza Nagusira (Paseo de la Castellana 160, 6º. 28071 Madrid) alegazioa bidaltzea komeni da, kasua aurkeztu eta bonua ordain dakien eskatzeko. Komenigarria da, halaber, alegazioari bonu elektrikoaren emakidaren/berritzearen ziurtagiriaren, posta elektronikoaren edo gutunaren kopia, edo bonua aplikatua duen 2018ko abenduko argindarraren faktura atxikitzea, hala nola ordainketa egiteko kontu korrontea. Onena da erreklamazioa aipatu Gobernuaren Ordezkariordetzaren bulegoren batean aurkeztea.
Bestelako kasuetarako, deitu telefono-zenbaki honetara: 914 34 57 82.
2020ko bonu termikoa
Datorren urteari begira, bonu termikoak indarrean jarraitzea aurreikusita dago. Onuradunak izango dira 2019ko abenduaren 31n bonu sozial elektrikoaren onuradun direnak, bai eta data horretarako hura berritzeko dokumentazioa aurkeztu eta aldeko ebazpena jasotzen dutenak ere.
