«Familia, bazkidetu beste familia bat» (F+F) kanpaina bultzatzen jarraitzen dugu; horren bidez, eskerrak eman nahi dizkizuegu hazten jarraitzen eta kide ugariko beste familia batzuk ere Hirukideko kide izan daitezen laguntzen diguzuen familia guztioi.
Azaroan eta abenduan Kaikuk lagunduko digu ekimen honetan, parte hartzen duten familiei sari berriak eskainiz.
Gogoan izan parte hartzeko kide ugariko beste familia bat Hirukideko bazkide egitea lortu behar duzuela eta hark, bazkidetzean, zuen familiako kideren baten izen-abizenak, edo zuen familia identifikatu ahal izateko beste daturen bat, adierazi behar dituela izena emateko fitxan.
Animatu parte hartzera eta zuen inguruko kide ugariko familien artean Hirukideren berri ematera! Zenbat eta familia gehiago izan, orduan eta indar handiagoa izango dugu gure eskubideen alde egiteko eta guztiontzako hobekuntzak lortzeko.
