Lemurren, tigreen, tximinoen eta atrakzio eta ikuskizun askoren artean, joan den ekainaren 17an gure Familia Jardunaldia burutu genuen Sendavivan, Nafarroako hegoaldean. Goizeko 11:00etan iritsi ziren bertara hartu genituen sei autobusak, baita Euskadiko udalerri askotatik etorritako familien ehun auto baino gehiago ere.
Oraingoan, eta azken zaparrada izan ezik, familia guztiak bueltan zirela erori baitzen, oso eguraldi ona izan genuen, egunaren lehen erdian tenperatura eta eguzki gehiago, hodei gehiago eta arratsaldean tenperatura gutxiago. Itzalgune handiei, lorategiei eta uretako jarduera anitzei esker, egun oso entretenigarri batez gozatu genuen. Ongietorri sorta banatu eta familiak sari handien zozketan izena emanez hasi genuen jardunaldia.
Hortik, familiak parkeko 120 hektareatan banatzen joan ziren, gehien erakartzen zituzten jarduerak edo animaliak bilatuz. Izena eman zuten haurrek, lemurrei jaten emateko jardueraz, tirolinez, zientzialari txikien jardueraz, zookoper esperientzian edo ornitologoen eremuaz gozatu ahal izan zuten. Horrekin guztiarekin batera, 800 abere baino gehiago eta 30 atrakzioetaz, adin guztietarako, parkeko hainbat gunetan banatuta. Bertan, uretako jaduerek (txirristak, mahukak, txalupak, etab.) harrera berezia izan zuten adinekoen eta txikien artean. Eguna amaitzean, familia guztiek jaso zuten agur-sorta, bueltako bidaiarako mokadutxo batekin.
Hirugazteak
Hirukideko Hirugazteek, 15 eta 25 urte bitarteko gazteek, aldi bereko plan batez gozatu zuten. Goizean, kayakean txangoa egin zuten Ebron, eta ekintza dinamikoak ere egin zituzten; arratsaldean, berriz, tirolinak eta hainbat jarduera egin zituzten Sendavivan.
Eskerrik asko laguntzagatik:
Eskerrak eman nahi dizkiegu, halaber, kolaboratzaile eta babesle guztiei, sari handien zozketa ahalbidetu baitzuten, eta horri esker gure Familia Jardunaldira joan ziren familia guztiek ongietorri eta agur-sorta jaso ahal izan zutelako.
