Joan den martxoaren 29an, Hirukideko dozenaka familiak egun zoragarria eman genuen Pagoetako Parke Naturalean (Aia, Gipuzkoa), natura betean familiarekin denbora igarotzeko eta atseden hartzeko antolatutako irteeran.
Goiza Iturraran Parketxean hasi genuen, non haurrek, zerealen eta okintzaren mundua ezagutzeaz gain, beren orea egin ahal izan zuten. Ondoren, pasiera atseginean Agorregiko burdinola eta errotaraino joan ginen, inguruneaz eta bide hezeaz gozatuz.
Atseden-gunean bazkaldu ostean, giro lasai eta familiarrean, erleen munduan oinarritutako jarduera bat egin genuen. Lorategi botanikoan zeharreko ibilbidean, familiek pistak bilatzeko dinamika batean parte hartu zuten, baita ezti- eta polen-dastaketa batean eta kandelak egiteko tailer txiki batean ere. Laburbilduta, egun biribila izan zen, naturaz gozatu, familian ikasi eta, batez ere, elkarrekin denbora eman ahal izan baikenuen.
