Zipi eta Zape eta kapitainaren uhartea (zinema)

Zipi y Zape y el club de la canica (2013) filmaren bigarren zatiaren estreinaldia izango da. Beste behin, Zipi eta Zape anaiek egundoko bihurrikeria egingo dute, beraz, zigortuta egongo dira oporraldi osoan! Halere, hasiera batean zigor gisa gurasoekin egin beharreko itsas bidaia aspergarria zirudiena ikaragarrizko abentura bilakatuko da, izan ere, ekaitz izugarri baten ostean, urrun-urruneko irla ikusgarri batera helduko dira. Pipi, Maqui eta Flequiren laguntzarekin, desagertutako gurasoak bilatuko dituzte, eta, bitartean, Pam anderearen etxe dotore dibertigarrian biziko dira, irlako bizilagunak ezagutuko dituztelarik.

Estreinaldia: 2016ko uztailak 29
Zuzendaria: Oskar Santos
Generoa: Abentura, Komedia
Herrialdea: Espainia