Estatuko Gobernuak luzatu egin du Bono Elektrikoaren % 65eko eta % 80ko hobari berezia, eta Eusko Jaurlaritza 2023ko Bonu Termikoaren komunikazio-gutunak bidaltzen hasi da, baita zenbatekoa ordaintzen ere.
Bonu elektrikoa
Elektrizitatearen bonu sozialaren hobari berezia luzatu du Gobernuak, baina 2024ko irailaren 30era arte bakarrik. Data horretatik aurrera, pixkanaka % 7,5 murrizten joango da hiruhileko bakoitzean, eta 2025eko uztailean % 35ean finkatuko da kontsumitzaile kalteberentzat eta % 50ean kontsumitzaile kaltebera larrientzat (urteko errenta 14 ordainsariren IPREM, indicador público de renta de efectos múltiples, halako 2 edo txikiagoa denean).
Horrela, luzapen-urtearen amaieran, argindarraren fakturaren hobaria tarifa sozial horren hasierakoa baino % 10 handiagoa izango da, % 25eko eta % 40ko deskontu-portzentajearekin jaio zena, hurrenez hurren. Gobernuaren planaren arabera, elektrizitatearen bonu sozialeko kenkariak honela geratuko lirateke:
2024
- Uztaila-irailaseptiembre: % 65 eta % 80
- Urria-abendua: % 57,5 eta % 72,5
2025
- Urtarrila-martxoa: % 50 eta % 65
- Apirila-ekaina: % 42,5 % eta % 57,5
- Uztaila: % 35 % eta % 50
Informazio gehiago nahi izanez gero, klikatu esteka honetan.
Bonu termikoa
Bestalde, 2023ko Gizarte Bonu Termikoa jakinarazteko gutunak bidaltzen hasi dira Eusko Jaurlaritzatik. Bertan, adierazten da familia bakoitzari dagokion zenbatekoa eta egun batzuk igaro ondoren laguntza ingresatuko den kontu-zenbakia. Aurten zenbatekoa 2022koaren antzekoa izango da, iaz ezohiko partida izan zelako.
Jakinarazpena jaso ez baduzue eta 2023ko abenduaren 31n Bonu Sozial Elektrikoaren onuradun bazarete, Zuzenean zerbitzuaren bulegoen bidez erreklamatu dezakezue (esteka).
Informazio gehiago nahi izanez gero, klikatu esteka honetan.
