Eusko Jaurlaritzak iragarri du funtzionarioen aitatasun-bajak amatasun-bajekin parekatzeko asmoa duela. Proposamena Euskal Enplegu Publikoaren Legearen zirriborroan sartu da, eta aurreikusten du 18 asteko aitatasun-baimena ezartzea, % 100 ordainduak eta besterenezinak.

Horrekin batera, Eusko Jaurlaritzak iragarri du laguntza ekonomikoa sortzeko asmoa ere baduela, sektore pribatuan lan egiten duten aitek hamabi asteko eszedentzia hartzeko aukera izan dezaten, seme edo alaba bat jaiotzen den bakoitzean. Kotizazio-oinarriaren % 100 beteko luke laguntza horrek, eta bi baldintza izango lituzke: erditze osteko lehenengo urtean hartu beharko luke aitak eszedentzia, eta ezingo luke amaren baimenaren aldi berean hartu. Ideia edo proposamena besterik ez da oraindik, eta ikusi beharko da nola islatzen den Familientzako IV. Laguntza Planean: unibertsala den, mailaka ezartzen den, noiztik aurrera…

Proposamen biak oso egokiak iruditzen zaizkigu, urrats handiak baitira lana eta familia kontziliatzeko, etxeko erantzunkidetasuna errazteko, eta andrazkoen eta gizonezkoen lan-arloko aukera-berdintasunaren alde aurrera egiten jarraitzeko. Bigarren proposamenari dagokionez, eskertzekoa da egingo den ahalegina, aitatasun-baimenak luzatzeko bidean Lan eta Gizarte Segurantza Ministerioak egin ez duena egingo duelako. Izan ere, dirudienez, baimen horiek ez dira astebetez luzatuko, halaxe aurreikusita bazegoen ere.

https://hirukide.com/wp-content/uploads/2016/11/imagen_video_web2-1.jpghttps://hirukide.com/wp-content/uploads/2016/11/imagen_video_web2-1-300x300.jpgHirukideHasiera
Eusko Jaurlaritzak iragarri du funtzionarioen aitatasun-bajak amatasun-bajekin parekatzeko asmoa duela. Proposamena Euskal Enplegu Publikoaren Legearen zirriborroan sartu da, eta aurreikusten du 18 asteko aitatasun-baimena ezartzea, % 100 ordainduak eta besterenezinak. Horrekin batera, Eusko Jaurlaritzak iragarri du laguntza ekonomikoa sortzeko asmoa ere baduela, sektore pribatuan lan egiten duten aitek hamabi asteko...