24 astera luzatu da guraso-baimena Euskal Administrazio Publikoan guraso bakarreko familientzat

24 astera luzatu da guraso-baimena Euskal Administrazio Publikoan guraso bakarreko familientzat

Euskal Administrazio Publikoan lan egiten duten pertsonei 24 astera arte luzatu die Eusko Jaurlaritzak guraso-baimena, guraso bakarreko familiak direnean; gaur egun, 18 asteko baimena dute. “Euskal Autonomia Erkidegoaren zerbitzura lanean ari diren langileen kontziliazio-baimenak parekatzeko Dekretuaren” lehen zirriborroan sartzen da onarpena, eta guraso bakarreko familien kasuan baimena 18 astetik 24ra luzatzeko proposamena biltzen du dekretuak. Gainera, seme-alaben kopurua bitik gorakoa denean edo horiek desgaitasunen bat dutenean, baimena beste bi astez luzatu ahal izango da.

Neurri hori onuragarria izango da Euskal Administrazio Publikoan lanean ari diren 70.000 lagun ingururentzat, hau da, Eusko Jaurlaritzako eta Justiziako egoitzetako, Ertzaintzako, Osakidetzako eta Hezkuntzako langileentzat. Aplikazio-eremua Autonomia Erkidegoko sektore publiko osora hedatzeko aukera ematen du, hau da, Eusko Jaurlaritzaren mendeko erakunde, sozietate eta fundazioetara. 24 astera luzatze hori urtarrilaren 1ean sartuko da indarrean, atzeraeraginezko efektuarekin, eta, besteak beste, jaiotza, adopzio, zaintza eta harrera kasuetan emango da.

Hirukiden, arreta handiz jarraituko dugu kontua, familia ugariekin lotuta berrikuntzarik izaten bada ere.